6月26日 第七天 - 我有命落返黎啦!!!

今天，田中先生帶我們去行山和去溫泉啦~!!!

個日本女WWOOFer晨早4點幾就起身幫我地整早餐同午餐啦~!

勁好人~!!我地男仔起身個時已經6點30分了~!!!

起左身後，個女仔就叫我地幫手整飯團，好快手就整好左，

之後個女仔仲我地整左炸雞，蛋卷。

我地就7點鐘出發，田中先生就車我地去果山腰。

到達個停車場個時已經7點9左右，一下車，已覺得凍了!!!

之後係我身後面已經有一大堆雪了~!很開心!!!

我地就開始行山啦，一開始覺得好易行，之後係咁行行行~!

之後開始覺得好斜，佢斜得黎仲要有雪，如果唔小心洗腳，

你就會唔知去左邊，勁恐怖!!!!

之後一直行，行左去富良野岳頂，有19xx米高，上面勁大風!!!

好似就黎吹走我咁，

之後我地就係個山頂上面食我地的午餐啦!!!

食完後，我就諗：唔係又要行返d雪山返轉頭麻，好危險wo!!!

之後田中先生帶我地行第2條路回程!!!

我個心就話，正呀，冇咁危險，個心都安心d~!

點知一路行，嘩頂，恐怖到，冇欄杆，隔離就是懸崖~痴線!

佢個d山路仲要係石路，仲有佢唔係好似香港咁樣， 轉下轉下咁上去~

係直上直落，有時上到山頂，前面係一堆大石頭，要抓上去，

先再有路行，個種危險同恐怖程度係香港好難先搵到~!

之後我地行左幾個山頭，每個山的頂都有189x-19xx咁多米，

最後落山個時，條路一定有7十幾8十度斜，條路又要，

要好似抓山咁，抓住d樹，一步步行落去，但係田中先生，

佢地就好似行平路咁，仲拿住部錄影機係到錄野~~!真係~~唉~!

行到最後，果個地方幾斜，而且係雪地黎，

正太郎就拿左幾個大膠袋，我地就坐住膠袋滑落去~!好快好好玩!

我仲停唔到，撞到人tim。不過條褲就濕哂!!!

之後我地就行回起點，我就同自己講：我有命落返黎啦!!!

今次行山之旅真係好恐怖，不過大家去到富良野就一定要try下!!!!

之後我地就去左吹上溫泉白銀莊到嘆Spa~~~

熱到我呼吸唔到~!!哈哈!!好平，一個人都係400yen/1 hour!!

之後我地6點左右點到家了!!